Ariocarpus retusus

Ariocarpus retusus (ბრტყელი არიოკარპუსი) - არიოკარპუსის ჯიშის ფართოდ გავრცელებული წარმომადგენელია, რომელსაც ფსიქოტროპული მოქმედება აქვს. მცენარის შემადგენლობაში შედის ალკალოიდები ჰორდენინი და ანხალინი. სახლის პირობებში კაქტუსის მოყვანა ადვილია.

Ariocarpus retusus კაქტუსის წარმომავლობა

იზრდება მექსიკის შტატებში - სალტილიოში, კოუილაში, ტამაულიპასეში, ნუევო-ლეონში. იზრდება როგორც მთიან ადგილებში, 1300-2000მეტრ სიმაღლეზე ზღვის დონიდან, ასევე შედარებით დაბალ ადგილებში (200-800მ).

Ariocarpus retusus კაქტუსის აღწერა

StarRock სახელწოდება მცენარეს ფართო ყვავილედის გამო აქვს, რომელსაც მისი ხორცოვანი ფოთლები წარმოქმნის. ფესვი დიდია. ღერო ნაცრისფერი-მომწვანო, ბურთისებრი, ზედა ნაწილში მომრგვალებული. მცენარის სიმაღლე 3-12სმ., დიამეტრი - 25 სანტიმეტრამდეა.

Ariocarpus retusus ხორცოვანი ფოთლები მკვრივია, ბოლოსკენ ვიწროვდება. სიგრძე 1,5-4სმ.-ია, სიგანე 1-3,5სმ., არის ზედაპირულად დატალღული. არეოლები წვრილი და მრგვალია, დაფარულია ბუსუსებით. ყვავილები მსხვილია, ერთ დღიანი, აქვს თეთრი-მოვარდისფრო შეფერილობა. ნაყოფი 1-2,5სმ. სიგრძისაა, აქვს თეთრი ან მწვანე ფერი.

Ariocarpus retusus კაქტუსის მოყვანის წესები

არიოკარპუსი არ არის მომთხოვნი. თესლები ირგვება ნიადაგის ნარევში, მდინარის ქვიშის, კენჭების, წვრილი ხრეშის, ხის ნაცრის დამატებით. დარგვამდე სასურველია ცივი სტრატიფიკაცია. ამონაზარდები ჩნდება დათესვიდან 10-17 დღე-ღამეში.

მცენარეს დღე-ღამეში სჭირდება 12 საათი განათება. ზაფხულში კაქტუსი ცოცხლობს ნებისმიერ ტემპერატურაზე, მოსვენების პერიოდში ტემპერატურა უნდა შენარჩუნდეს 8-15 გრადუსის ფარგლებში.

მორწყვას საჭიროებს იშვიათად, მხოლოდ ნიადაგის სრულად გაშრობის დროს. არიოკარპუსის ზრდა სტიმულირდება აზოტის მინერალური დანამატებით. თესლების დარგვიდან ზრდასრული მოყვავილე მცენარის მიღებამდე საჭიროა 6-10 წელი.

Ariocarpus retusus კაქტუსის მოხმარება და ეფექტი

ალკალოიდები ახდენენ ფსიქომასტიმულირებელ მოქმედებას თავის ტვინზე, აუმჯობესებენ განწყობას, შრომისუნარიანობას, აქვეითებენ მადას და ძილის მოთხოვნას. სამეცნიერო მონაცემებით, ფსიქოტროპიული ნივთიერებების კონცენტრაცია არ არის საკმარისი ხანგრძლივი ფსიქოაქტიური ეფექტისთვის.