Astrophytum capricorne х asterias cv. Super Kabuto

Astrophytum capricorne х asterias cv. Super Kabuto – ასტროფიტუმის ჯიშის ჰიბრიდული სუკულენტია. ველურად მზარდი მონათესავე სახეობებისგან ვიზუალურად განსხვავებულია თეთრი მსხვილი წინწკლებით, რომლებიც ხაოიან ლაქებს მოგაგონებთ.

Astrophytum capricorne х asterias cv. Super Kabuto კაქტუსის წარმომავლობა

სუკულენტ Astrophytum-ის სამშობლო – ჩრდილოეთ ამერიკაა. გავრცელების არეალი მექსიკა და აშშ-ს მოსაზღვრე შტატები. კაქტუსები იზრდება კირქვა, თიხნარ ნიადაგში, ქვებს შორის, კლდეების ნაპრალებში, მდინარის პირზე. Astrophytum capricorne х asterias cv. Super Kabuto – იაპონელი სელექციონერების მიერ გამოყვანილი კულტურული სახეობაა.

Astrophytum capricorne х asterias cv. Super Kabuto აღწერა

ფორმით ვარსკვლავისებურ ასტროფიტუმს წააგავს. ეს სფეროსებური, შედარებით მაღალი სუკულენტია ბრტყელი ზედაპირით. ღერო მუქი მწვანეა, ხორცოვანი, განიერი 6-8 ნეკნით. არეოლები განთავსებულია ვერტიკალურად, თითოეული კვირტიდან იზრდება ეკლების კონა. ახალგაზრდა მცენარეს ეკლები მოკლე და რბილი აქვს. ზრდასრულს - გრძელი, წვეტიანი, ბოლოში მოღუნული.

ჰიბრიდის თავისებურება - თეთრი ფუმფულა წანაზარდებია. კაქტუსის ზედაპირზე არის არა წერტილები, არამედ უსწორმასწორო ფორმის ლაქები, რომლებიც მოზაიკად ეწყობა. სელექციონერებს მიაჩნიათ, რომ ეს გენების მუტაციის შედეგია.

Astrophytum capricorne х asterias cv. Super Kabuto კაქტუსის მოყვანის წესები

სუკულენტი კარგად იზრდება მინერალურ მსუბუქ ნიადაგში, ორგანული ნივთიერებების მინიმალური შემცველობით. მოსაყვანად ურევენ ტორფს და მსხვილ ქვიშას, უმატებენ პერლიტს. ნეშომპალას სიჭარბე აპროვოცირებს კაქტუსის სიმაღლეში ზრდას.

აზოტის სასუქს Astrophytum capricorne х asterias cv. Super Kabuto არ საჭიროებს. მცენარის ჯანმრთელობის შესანარჩუნებლად შეაქვთ კალიუმის სასუქი. დასაშვებია მცენარის გადარგვა ყოველ 2-3 წელიწადში. ქოთანში უნდა იყოს სადრენაჟე სისტემა.

ჰიბრიდს მკვრივი ეპიდერმისი აქვს, რომელიც არახელსაყრელ პირობებში შეიძლება დასკდეს. წვრილი ბოჭკოვანი ფესვები ზიანდება წყლის ნაკლებობის დროს. ვეგეტაციის პერიოდში მორწყვა უნდა იყოს ზომიერი. მოსვენების დროს (შემოდგომა, ზამთარი) სუკულენტს არ რწყავენ. ზაფხულში კაქტუსი კარგად იტანს სიცხეს. ზამთარში საჭიროებს სიგრილეს - 5-15გრადუსი.

Astrophytum capricorne х asterias cv. Super Kabuto კაქტუსის მოხმარება და ეფექტი

ჰიბრიდი სუკულენტი შეიცავს ალკალოიდებს, რომლებიც თვისებებით მესკალინს ჰგავს. მაღალი კონცენტრაციის შემთხევაში ისინი აპროვოცირებენ ეიფორიულ მდგომარეობას, რომელსაც ახლავს სასიამოვნო ჰალუცინაციები, არეული აზრები. კარგი განწყობა ნარჩუნდება 5-6 საათის განმავლობაში.