Astrophytum MIX

Astrophytum MIX — ჯიშების ნარევია, რომელიც მოიცავს ასტროფიტუმის რამოდენიმე სახეობას. მცენარის ღეროს არაჩვეულებრივი, ვარსკვლავის ფორმა აქვს. კაქტუსი უპრეტენზიო, კარგად იზრდება სახლის და ორანჟერეის პირობებში.

Astrophytum MIX კაქტუსის წარმომავლობა

ასტროფიტუმი ტეხასის და მისი მოსაზღვრე მექსიკის შტატებიდანაა. ბუნებრივ პირობებში იზრდება მზიან ადგილებში, მთებში, ქვიან გრუნტზე.

Astrophytum MIX კაქტუსის აღწერა

წარმოდგენილი სუკულენტები მუქი მწვანე ან ნაცრისფერი-მომწვანოა. ღერო ჰგავს ვარსკვლავს. ნეკნების რაოდენობა 4-10 შორის ვარირებს. ნეკნების ბოლოებზე მოთავსებულია არეოლები, რომლებიდანაც ასტროფიტუმის ზოგიერთ წარმომადგენელს ეზრდება სწორი ან მომრგვალებული ეკლები. ღეროს მთელი ზედაპირზე თეთრი წინწკლებია.

ყვავილები თეთრი, ყვითელი, ან წითელია. ყვავილობა იწყება მარტიდან შემოდგომამდე, სწორი მოვლის პირობებში. ბუნებრივ პირობებში კაქტუსი ყვავილობს მარტში-მაისში, შემდეგ შემოდგომით წვიმების შემდეგ.

ასტროფიტუმის ნაყოფი - მწვანე კოლოფია ყავისფერი თესლებით. მომწიფებული ნაყოფი იხსნება, ნაპირები იშლება და კაქტუსის ზედაპირზე ვარსკვლავს წარმოქმნის.

Astrophytum MIX კაქტუსის მოყვანის წესები

ასტროფიტუმი მრავლდება თესლებით. მათ თესავენ დატენიანებულ გრუნტში - მდინარის ქვიშა, ვერმიკულიტი და ტორფი. აფარებენ ცელოფანს და დგამენ თბილ, კარგად განათებულ ადგილზე. ამონაზარდები ჩნდება 21-25 დღეს. 3-4 თვის ასაკში შესაძლებელია მცენარის პიკირება ცალკეულ ქოთნებში.

ასტროფიტუმები მიეკუთვნება ყველაზე უპრეტენზიო კაქტუსების რიცხვს. ზაფხულში კარგად გრძნობენ თავს მზიან ადგილებში 28 გრადუსამდე ტემპერატურაში. ზამთარში რეკომენდირებულია მათი გადატანა გრილ შენობაში 0 გრადუსზე.

ზაფხულში საჭიროა ზომიერი მორწყვა, გრუნტის სრულად გაშრობის შემდეგ. ზამთარში 3-4კვირაში ერთხელ. ვეგეტაციის დროს ირწყვება მცირე პორციებით, ზედმეტმა მორწყვამ შეიძლება გამოიწვიოს ფესვების ლპობა.

სასუქს უმატებენ აქტიურ პერიოდში თვეში ერთხელ. ახალგაზრდა კაქტუსებს ყოველწლიურად გაზაფხულზე რგავენ სხვა ქოთანში. 6 წლის შემდეგ რგავენ მხოლოდ იმ შემთხვევაში, თუ ქოთანი გაივსო ფესვებით.

Astrophytum MIX კაქტუსების მოხმარება და ეფექტი

Astrophytum MIX-ის წვენი ფლობს ანტისეპტიკურ თვისებებს. მასზე დამზადებულ საშუალებას იყენებენ ბაქტერიული, ვირუსული ან სოკოვანი წარმოშობის ანთებითი პროცესების დროს. წყლის, სპირტის ექსტრაქტი გამოიყენება რევმატიზმების, ჰიპერტონიის, მამაკაცის სქესობრივი პრობლემების დროს.