Astrophytum myriostigma var. nudum

Astrophytum myriostigma var. nudum — ასტროფიტუმის ორიგინალური ვარიაციაა. არ არის პრეტენზიული მოყვანის პირობებისადმი, მოუხდება დამწყებ მებაღეს. შეიცავს ალკალოიდ მესკალინს - მკვეთრად გამოხატული ჰალუცინოგენური ეფექტების მქონე ნივთიერება.

Astrophytum myriostigma var. nudum კაქტუსის წარმომავლობა

გამოყვანილი იყო სელექციონერების მიერ იაპონიაში. ბუნებაში არ იზრდება, წარმოდგენილია კოლექციებში.

Astrophytum myriostigma var. nudum კაქტუსის აღწერა

ფესვთა სისტემა კარგად აქვს განვითარებული. ახალგაზრდა მცენარის ღერო სფეროსებურია, ზომა 5-10სმ. ასაკთან ერთად იზრდება სიმაღლეში, აღწევს 120სმ.-ს. Astrophytumvar. nudum უმეტესობას აქვს 5 ნეკნი. ზოგიერთ ეგზემპლარს 3-8. ეკლები და ბუსუსები არ აქვს.

გარეგნულად მოგაგონებთ კლასიკურ ასტროფიტუმს. ძირითადი განსხვავება თეთრი ფუფხების არქონაა. აქვს მწვანე, ნაცრისფერი-მწვანე, მოლურჯო-მომწვანო ელფერი. არაჩვეულებრივი ვიზუალის გამო უწოდებენ „ეპისკოპოსის ქუდს“.

ყვავილობის დრო - გაზაფხული, ზაფხულის დასაწყისია. ყვავილების დიამეტრი 3-5სმ. ფერი მკრთალი ყვითელი, ყვითელი გულით. ნაყოფი მშრალია, გახსნისას მოგაგონებთ ვარსკვლავს.

Astrophytum myriostigma var. nudum კაქტუსის მოყვანის წესები

თესლებს რგავენ მსუბუქ გრუნტში - მარმარილოს ნამცეცის (კროშკა), მდინარის ქვიშის და წვრილი კენჭების ნარევში. საკვები ღირებულებების გასაზრდელად გრუნტს უმატებენ მცირე რაოდენობის ნეშომპალას ან ტორფს. საჭიროა კარგი დრენაჟი. გადარგვა ხდება 2 წელიწადში ერთხელ.

მცენარეს სჭირდება ინტენსიური განათება 12 საათის განმავლობაში. აქტიური ზრდა ხდება ოთახის ტემპერატურაზე, ზამთარში კაქტუსი გადააქვთ 5-15 გრადუს ტემპერატურაში. ვეგეტაციის პერიოდში მორწყვა არის ზომიერი. მოსვენების პერიოდში მორწყვა მცირდება.

ზრდის სტიმულირებისთვის ამატებენ მინერალურ სასუქს და ამყნობენ.

Astrophytum myriostigma var. nudum კაქტუსის მოხმარება და ეფექტი

ნახარშის ფსიქოაქტიური ზემოქმედება ვლინდება მოხმარებიდან 45-60 წუთში და გრძელდება 4-5 საათი. მესკალინი იწვევს მისტიურ განცდებს, ხილვებს გახელილი და დახუჭული თვალებით. ალკალოიდების მოქმედების ქვეშ უმჯობესდება განწყობა, იცვლება ცნობიერება.