Astrophytum ornatum hybrid

Astrophytum ornatum hybrid – „მორთული“ ასტროფიტუმის ჰიბრიდული ფორმაა. სუკულენტი გამოირჩევა საწყისი ველურად მზარდი სახეობისგან შედარებით მაგარი ეკლებით. კაქტუსის ზედაპირი ხაოიანია .ჰიბრიდი დაფარულია თეთრი წინწკლებით.

Astrophytum ornatum hybrid კაქტუსის წარმომავლობა

ველურად მზარდი სახეობის ზრდის არეალი დასავლეთ ამერიკაა, მექსიკის ჩრდილოეთი. მცენარე გვხვდება ნახევრად უდაბნოს ზონაში, მთიან რაიონებში. კაქტუსს არ ეშინია გვალვების, სიცხის, კომფორტულად გრძნობს თავს ღარიბ ნიადაგში.

Astrophytum ornatum hybrid კაქტუსის აღწერა

ახალგაზრდა Astrophytum ornatum hybrid-ს აქვს მრგვალი ფორმა. მცენარე თანდათანობით მოგრძო ფორმას იღებს, ხდება სვეტისებური. გვერდითი განშტოებები არ იზრდება. ზედაპირის ფერი მწვანეა. ეპიდერმისი დაფარულია თეთრი წერტილებით, ლაქებით, ზოლებით.

ნეკნები Astrophytumornatum-თან შედარებით უფრო ბასრია. ღარები გამოკვეთილი, მსუბუქად დაკლაკნილი. კვირტები არ არის ხშირი. ეკლები წვეტიანია, მყარი, სიგრძე 3-5სმ. ფერი წითელი-ყავისფერია.

Astrophytum ornatum hybrid ყვავილობს გვიან. ყვავილები ღია ყვითელია. ნაყოფი მოგრძო, მრგვალი.

Astrophytum ornatum hybrid კაქტუსის მოყვანის წესები

Astrophytum ornatum hybrid-ის თესლებს დარგვამდე ალბობენ, ამუშავებენ სადეზინფექციო ხსნარით (კალიუმის პერმანგანატი). რგავენ დრენაჟის მქონე ქოთანში. ქოთნის ძირზე ყრიან კერამზიტის, ქვიშის ფენას. ტორფს ურევენ ხის ნახშირს, პერლიტს. მოცულობას აფარებენ ცელოფანს ამონაზარდების გაჩენამდე.

პირობები ზრდასრული კაქტუსებისთვის:

• ნიადაგი: კარგი გამტარი, მინერალური, ნეიტრალური რეაქციის გარემოთი;
• სასუქი: კალიუმის დანამატი სუკულენტებისათვის;
• მორწყვა: ზომიერი, იშვიათი;
• ჰაერის ტემპერატურა: 23-28გრადუსი;
• განათება: კაშკაშა მზე, ნახევრად ჩრდილი.

ოქტომბრის ბოლოს, ყვავილობის შემდეგ იწყება მოსვენების პერიოდი. ტემპერატურა შენობაში უნდა შემცირდეს 10-12გრადუსამდე. მორწყვას და სასუქის დამატებას წყვეტენ. გაზაფხულზე, საჭიროების შემთხვევაში მცენარეს სხვა ქოთანში რგავენ.

Astrophytum ornatum hybrid კაქტუსის მოხმარება და ეფექტი

Astrophytum ornatum hybrid, შეიცავს pellotine-ს – ალკალოიდს, რომელიც გამოიყენებოდა ძირძველი ამერიკელების მიერ ტრანშის მისაღწევად. ნივთიერება პერორალური გზით მიღების შემდეგ ცვლის ცნობიერებას, იწვევს მხედველობით და სმენით ჰალუცინაციებს. შესაძლებელია ხილვები დახუჭული და გახელილი თვალებით. ეფექტი 5-6 საათი გრძელდება.