Astrophytum senile

Astrophytum senile — Astrophytum capricorne ჯიშის სახეობაა, რომელიც დიდი ზომებით და ეკლების დიდი რაოდენობით გამოირჩევა. ნელა მზარდი მცენარე არ მოითხოვს განსაკუთრებულ მოვლას. შემადგენლობაში შედის ჰალუცინოგენური ალკალოიდი მესკალინი.

Astrophytum senile კაქტუსის წარმომავლობა

კაქტუსი გვხვდება მექსიკის შტატში, მთიან დასავლეთ სიერა-დე-პარასი. იზრდება კლდეების ნაპრალებში, ხვეული ეკლების საშუალებით კარგად ინიღბება მშრალ ბალახში. იზრდება Agavelechuguilla, Euphorbiaan tisyphilitica (candelilla), Selaginella lepidophylla მცენარეების სიახლოვეს.

Astrophytum senile კაქტუსის აღწერა

ღერო მწვანეა, გლუვი. ახალგაზრდა ეგზემპლარებს მრგვალი ფორმა აქვს, შემდეგ იძენს ცილინდრულ ფორმას. ღეროს სიმაღლე 35სმ., დიამეტრი 15 სანტიმეტრია.

კაქტუსს აქვს 8 ბასრი, სპირალისებურად განლაგებული ნეკნი. რომლებზეც 15-20 ხვეული ეკალია, რომლების გარს ეხვევა ღეროს. ეკლების სიგრძე 5-10 სანტიმეტრია, ფერი მუქი წითელი, ყავისფერი, შავი ან მუქი ნაცრისფერი. არეოლები ოვალურია, დაფარულია ყვითელი ბუსუსებით.

ყვავილების ზომა 5-6სმ. არის, ყვითელი ფურცლებით, წითელი გულით. ნაყოფი წითელი, მოგრძო ფორმის.

Astrophytum senile კაქტუსის მოყვანის წესები

თესლების დარგვა ხდება ორგანულად ღარიბი შემადგენლობის, მსუბუქ გრუნტში, რომელშიც შერეულია ქვიშა, წვრილი კენჭები, მარმარილოს ნამცეცი. ორგანული კომპონენტი წარმოდგენილია ტორფის ან ნეშომპალას სახით. ძირზე აუცილებლად აწყობენ დრენაჟს.

კაქტუსს ესაჭიროება აქტიური განათება 12 საათის განმავლობაში. წლის თბილ დროს ის იზრდება ოთახის ტემპერატურაზე, მოსვენების პერიოდში საჭიროებს 5-10 გრადუს ტემპერატურულ რეჟიმს. ვეგეტაციის პერიოდში მორწყვა ზომიერია, ცივ სეზონზე არ ირწყვება.

Astrophytum senile გამოირჩევა ნელი ზრდით. აუცილებელია სეზონზე ერთხელ მინერალური სასუქის დამატება, კალიუმის მაღალი შემცველობით. ზრდის დასაჩქარებლად და მოვლის გასამარტივებლად შეიძლება მცენარის მყნობა.

Astrophytum senile კაქტუსის მოხმარება და ეფექტი

მცენარის ნახარში იწვევს ჰალუცინაციებს დახუჭული და გახელილი თვალებით, აპროვოცირებს მისტიურ განცდებს, ცვლის ადამიანის ცნობიერებას. ალკალოიდების გავლენით აქტიურდება აბსტრაქტული აზროვნება, უმჯობესდება განწყობა. ეფექტი ვლინდება მოხმარებიდან 45-60 წუთში და გრძელდება 4 საათი.