Echinocactus Grusonii

Echinocactus Grusonii — მსხვილი, მრგვალი ღეროს მქონე კაქტუსია, შეიცავს ჰალუცინოგენურ ალკალოიდებს. ეკლები მსხვილი და წვეტიანია, ჩხვლეტამ შეიძლება გამოიწვიოს დაჩირქება.

Echinocactus Grusonii კაქტუსის წარმომავლობა

Echinocactus Grusonii — მსხვილი სუკულენტი წარმოშობით მექსიკის შტატებიდან არის. გავრცელებულია მთელს მსოფლიოში, როგორც ორანჟერეის და სახლის დეკორატიული მცენარე.

კაქტუსს სახელწოდება კაქტუსების გერმანელი კოლექციონერის და მეცნიერის ჰერმან გრუზონის საპატივცემულოდ ეწოდა. მცენარე ასევე ცნობილია „ოქროს ბურთის“, „კასრის“, „სიდედრის ბალიში“-ს სახელწოდებით.

Echinocactus Grusonii კაქტუსის აღწერა

კაქტუსს აქვს მსხვილი, მრგვალი ღერო. ზრდასრული ეგზემპლარები აღწევენ 1მ. სიმაღლეს და სიგანეს. მცენარეს არ უჩნდება განშტოებები და არ იბუჩქება. ბუნებრივ პირობებში შესაძლებელია შეგვხვდეს კაქტუსების ჯგუფები, რომლებიც ერთმანეთთან ახლოს არის განლაგებული.

ღეროს აქვს მუქი მწვანე შეფერილობა. ზრდასრული მცენარეების ნეკნების რაოდენობა 40-ს აღწევს. ბორცვების ბოლოებზე განლაგებულია არეოლები ყვითელი ქუდებით. თითოეული არეოლიდან იზრდება 8-10გვერდითი 3სმ. სიგრძის და 4 ცენტრალური ოქროსფერი ეკალი. მათი სიგრძე 5სმ.-ს აღწევს.

კაქტუსი ყვავილობს მხოლოდ 20 წლის შემდეგ, რომლის ღეროც სიგანეში მინიმუმ 40სმ. არის. ზედა ნაწილში ჩნდება 5-6 სმ. დიამეტრის და 7 სანტიმეტრამდე სიგრძის ყვავილები.

Echinocactus Grusonii კაქტუსის მოყვანის წესები

მცენარის გამრავლება თესლების საშუალებით არის შესაძლებელი. დარგვამდე წვრილ ყავისფერი თესლებს ალბობენ წყალში ზრდის სტიმულატორთან ერთად. განიერ პადონს ავსებენ ვერმიკულიტის, ტორფის და ქვიშის ნარევით. დამბალი თესლებიდან წყალს იღებენ შპრიცით და თანაბრად აპკურებენ გრუნტის ნარევის ზედაპირზე. მოცულობას აფარებენ ნახვრეტებიან ცელოფანს და დგამენ სამხრეთის ფანჯრის რაფაზე.

ზაფხულში სასურველია ახალგაზრდა მცენარეების ქუჩაში ან აივანზე მზეში დადგმა. მზის სინათლის უკმარისობა შეიძლება ეკლების ცვენის, სიმაღლეში ზრდის და სიგანეში კლების მიზეზი გახდეს.

30 გრადუსზე მეტი ტემპერატურის დროს რეკომენდირებულია მცენარის გადადგმა შედარებით გრილ ადგილას. ზამთარში დაუშვებელია ტემპერატურის კლება 12 გრადუსზე ქვევით. სუკულენტს რწყავენ ნიადაგის სრულად გაშრობის შემდეგ, ნადგამი წყლით.

Echinocactus Grusonii კაქტუსის მოხმარება და ეფექტი

კაქტუსის რბილობს იყენებენ ჰალუცინოგენური ნახარშის მოსამზადებლად. ეფექტი 1-1,5 საათში ვლინდება. იწყება მხედველობითი და სმენითი ჰალუცინაციები. სხეული დუნდება.