Trichocereus candicans

Trichocereus candicans – ერთ-ერთი ყველაზე უპრეტენზიო კაქტუსია სახლის პირობებში მოსაყვანად. სხვა მესკალინის შემცველ სახეობებთან შედარებით სწრაფად იზრდება და აქვს შთამბეჭდავი ზომები. ძირითადი ალკოლოიდის კონცენტრაცია ლოფოფორასტან შედარებით მცირეა, მაგრამ ეს ადვილად ანაზღაურდება მშრალი პროდუქტის მოხმარების ეფექტით. სახეობა პოპულარობით სარგებლობს სამხრეთ ამერიკის მოსახლეობაში. მას იყენებდნენ ჰალუცინოგენის სახით. ძირითადი ალკალოიდის გარდა, მცენარის წვენში შემავალია:

• კანდიცინი;
• ჰორდენინი;
• ტირამინი;
• N-მეთილტირამინი.

Trichocereus candicans კაქტუსის წარმომავლობა

Trichocereuscandicans გავრცელების არეალი საკმაოდ დიდია. ძირითადად იზრდება ეკვადორში და ვრცელდება ცენტრალურ არგენტინამდე. იზრდება ზღვის დონიდან 0-2000 მეტრზე. ჩვენს მაღაზიაში წარმოდგენილი თესლები ჩამოტანილია ჩილიდან.

Trichocereus candicans კაქტუსის აღწერა

ბუნებრივ პირობებში მცენარე სიმაღლეში 10 მეტრამდე შეიძლება გაიზარდოს, მაგრამ სახლის პირობებში 100სმ-ს იშვიათად აჭარბებს. ღერო კაშკაშა მწვანეა, ზოგჯერ იხრება. ეკლების სიგრძე 2-6 სანტიმეტრია. ფერი ან თეთრი, ან მოყვითალოა, ეკლები სწორი და წვეტიანია.

კაქტუსი შესანიშნავია ყვავილობის დროს. თეთრი ყვავილების დიამეტრი 12 სანტიმეტრს, სიგრძე კი 18-20 სანტიმეტრს შეიძლება აღწევდეს. ყვავილების არომატი შროშანების არომატს მოგაგონებთ. თესლები ფორმირდება წითელ, ოვალურ ნაყოფში.

შენიშვნა! მოცემული სუკულენტის ყვავილები იშლება მზის ჩასვლის დროს და იხურება შუადღეს.

Trichocereus candicans კაქტუსის მოყვანის წესები

ჰალუცინოგენური კაქტუსის Trichocereus candicans-ის თესლები ირგვება წინასწარ მომზადებულ ნიადაგში 24 საათი წყალში დალბობის შემდეგ. გრუნტი უნდა შეიცავდეს თანაბარი რაოდენობით მდინარის ქვიშას, ტორფს, ბაღის ნიადაგს, პერლიტს, კენჭებს და კომპოსტს. ზოგჯერ მებაღეები ამატებენ ნახშირს, რომელიც ფესვების ლპობას უშლის ხელს.

ყველაზე სასარგებლო სასუქად მიიჩნევა ფოსფორის და სუპერფოსფატის მაღალი შემცველობის სასუქები.

კაქტუსებს უყვართ გაფანტული შუქი. განათებისთვის იყენებენ ესლ ნათურებს 25-35 ვატი და ფიტონათურებს. ზაფხულის განმავლობაში ტემპერატურა უნდა იყოს +22-25 გრადუსის დიაპაზონში, მოსვენების (ზამთრის) დროს კი +10-15 გრადუსი.

შენიშვნა! მოცემული სუკულენტების გადარგვა რეკომენდირებულია ყოველ 2 წელიწადში ერთხელ.

Trichocereus candicans კაქტუსის მოხმარება და ეფექტი

კაქტუსს მოიხმარენ ნედლი ან მშრალი სახით. ნახარშისთვის იღებენ საჭირო რაოდენობის ნედლ კაქტუსს, ძირითადად 300 გრამს. აშორებენ ეკლებს და ფრთხილად აცლიან გამჭვირვალე კანს, რომლის ქვეშაც ხასხასა მწვანე ფენაა. სწორედ ეს მწვანე ფენა არის საჭირო ჯადოსნური ნახარშისთვის. მომზადებულ ნაწილს დებენ ქვაბში და ასხამენ წყალს. ნაყენი იხარშება დაახლოებით 7-8 საათი. შედეგად ღებულობენ 0,3-0,5ლიტრ ლორწოვან სითხეს. ეს საკმარისია ერთი მოგზაურობისთვის. ეფექტი დგება ეტაპობრივად, პირველი 30-40 წუთი შესაძლებელია გულის რევის შეგრძნება, რომელიც ნელ-ნელა გადადის და ადამიანი დუნდება. ხმები და ფერები მძაფრდება. ხილვების ფაზაში მომხმარებელი მოხვდება ორნამენტების და მანდალების მორევში. ეფექტი გრძელდება 8 საათი.